काठमाडौं, फागुन २५ । नयाँ बानेश्वरमा भइरहेको राष्ट्रपति निर्वाचनमा ८ सय ८१ मतमध्ये ८ सय मत खसेको छ । दिउँसो २ः५० बजेसम्म ८ सय मत खसेको निर्वाचन आयोगले जनाएको छ ।
कुल ८८१ मतमध्ये ३७ मत खसेपछि मतदान समाप्त हुनेछ । प्रतिनिधिसभामा ८ सय ८१ र राष्ट्रिय सभामा ३ सय ३१ मतमध्ये संघीय संसदको पक्षमा ३ सय मत परेको थियो । संघीय संसदमा राष्ट्रियसभाका ५९ र प्रतिनिधिसभाका २ सय ७५ गरी कुल ३ सय ३४ सदस्य छन् । तीमध्ये एक निलम्बित, एकको निधन र एकजना पदमुक्त भएका छन् ।
तीमध्ये नेपाली कांग्रेसका सांसद चन्द्र भण्डारी भारतमा उपचार गराइरहेका छन् भने राप्रपाका १४ सांसदले मतदान नगर्ने निर्णय गरिसकेका छन् । त्यसैले अब संघीय संसदबाट मतदान गर्न सांसदको संख्या १६ मात्रै बाँकी छ ।
त्यस्तै प्रदेशका लागि ५५० मतदातामध्ये ५०० मतदाताले मतदान गरिसकेका छन् । राप्रपाका २८ प्रदेशसभा सदस्यले मतदान नगरेपछि अब २२ जना मात्रै मतदान गर्न बाँकी छ । निर्वाचन आयोगले दिउँसो ३ बजेसम्म मतदानको समय तोकेको छ ।
Published Date: 09 March 2023
