काठमाडौँ, फागुन २५ । नेपाल मजदुर किसान पार्टीले राष्ट्रपतिको निर्वाचनमा भाग नलिने निर्णय गरेको छ । पार्टीको केन्द्रीय सचिवालय बैठकले यस्तो निर्णय गरेको हो ।
सचिव प्रेम सुवालले राष्ट्रिय तथा अन्तर्राष्ट्रिय विषयमा नेपाली कांग्रेस र नेकपा एमालेको धारणामा आधारभूत भिन्नता नभएको र राष्ट्रपतिको निर्वाचनमा भाग नलिने निर्णय गरेको जानकारी दिनुभयो । प्रतिनिधिसभामा नेमकिपाका एक र वाग्मती प्रदेशमा तीन सांसद छन् ।
यसअघि राप्रपाले पनि राष्ट्रपति निर्वाचनमा भाग नलिने निर्णय गरेको थियो । अर्कोतर्फ राष्ट्रिय स्वतन्त्र पार्टीले भने अबको राष्ट्रपतिको भोट कसलाई दिने भन्ने टुंगो लगाएको छैन ।
यो खबर पढेर तपाईलाई कस्तो महसुस भयो ?
+1
+1
+1
+1
+1
