काठमाडौँ, फागुन १९ । चलचित्र ‘प्रसाद २’को ट्रेलर सार्वजनिक भएको छ । सुदर्शन थापा निर्देशित यस चलचित्रमा बिपिन कार्की, केकी अधिकारी र अर्पण थापाको अभिनय रहेको छ।
फिल्ममा बिपिन, केकी र अर्पणसँगै महेश त्रिपाठी, कमलमणी नेपाल लगायतका कलाकारको पनि मुख्य भूमिका छ । सुशील पौडेलको कथा रहेका फिल्ममा राजेश श्रेष्ठले छायाँकन गरेका छन् । फिल्ममा मिलन श्रेष्ठको सम्पादन, राजनराज सिवाकोटीले संगीत दिएका छन् ।
सुभाष थापाको प्रस्तुतिमा तयार भएको फिल्मका निर्माता सुदर्शन बस्नेत हुन् । ‘प्रसाद २’ को प्रदर्शन मिती चैत २४ गतेलाई तोकिएको छ ।
