काठमाडौं, भदौ ५ । प्रधानमन्त्री वालेन्द्र शाहको मुस्ताङ भ्रमण निजी भएको प्रधानमन्त्री तथा मन्त्रिपरिषद्को कार्यालयले जनाएको छ।
आज प्रधानमन्त्री कार्यालयले आयोजना गरेको नियमित प्रेस ब्रिफिङका क्रममा प्रधानमन्त्री तथा मन्त्रिपरिषद् कार्यालयका प्रवक्ता हेमराज अर्यालले भने, ‘यो प्रधानमन्त्रीको विशुद्ध निजी भ्रमण हो।’
प्रधानमन्त्री शाह आज बिहान स्थलमार्ग हुँदै पोखरातिर लागेका थिए। पोखराबाट उनी हेलिकोप्टरमा मुस्ताङ पुगेर मुक्तिनाथको दर्शन गरेका छन्।
उनी पोखराको अन्नपूर्णक इको लजमा बस्ने बताइएको छ। शनिबार र आइतबार सार्वजनिक बिदा पनि भएकाले प्रधानमन्त्री शाह मुस्ताङ भ्रमणमा निस्किएका हुन्।
Published Date: 21 August 2026
