काठमाडौं, भदौ ३ । प्रधानमन्त्री वालेन्द्र शाहसँग नेपाल सरकारका मन्त्रीहरुले चालु आर्थिक वर्षमा सम्पन्न गरिने मुख्य काम तथा हासिल गरिने उपलब्धिका लागि कार्यसम्पादन सम्झौता गरेका छन्।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार आयोजित कार्यक्रममा मन्त्रीहरुले प्रधानमन्त्री शाहसँग कार्यसम्पादन सम्झौतामा हस्ताक्षर गर्दै सम्झौताको प्रति आदानप्रदान गरेका हुन्।
सम्झौतामा सुशासन, सामाजिक न्याय र समृद्धिसँग सम्बन्धित विभिन्न काम तथा उपलब्धिलाई प्राथमिकतामा राखिएको छ। चालु आर्थिक वर्षमा सरकारका मन्त्रालय तथा निकायबाट सम्पादन गरिने प्रमुख कार्य र त्यसबाट हासिल हुने अपेक्षित उपलब्धिलाई सम्झौतामा समेटिएको छ।
यसैगरी, प्रधानमन्त्री शाहसँग नेपाल सरकारका मुख्यसचिव गोविन्दबहादुर कार्कीले पनि कार्यसम्पादन सम्झौता गरेका छन्। सम्झौतामार्फत सरकारका प्राथमिकता र निर्धारित लक्ष्यअनुसार कामको प्रभावकारी कार्यान्वयन तथा परिणाममुखी प्रशासनमा जोड दिइएको छ।
Published Date: 19 August 2026
