भक्तपुर, असार २८ । दिक्षा (गौरी) हाडा मेमोरियल फाउन्डेसन, नेपालको आयोजनामा शनिबार भक्तपुरमा सम्पन्न निःशुल्क स्वास्थ्य शिविरबाट १६५ जना लाभान्वित भएका छन्।
शिविरमा समाज डेन्टल हस्पिटलले विशेषज्ञ दन्त सेवा उपलब्ध गराएको थियो भने म्याग्नस फार्मा, क्वेस्ट फार्मास्युटिकल्स र नेसन हेल्थ केयर प्रालिले निःशुल्क औषधि उपलब्ध गराएका थिए।
शिविरमा डा. दिव्या शर्माले स्वास्थ्य परीक्षण तथा परामर्श सेवा प्रदान गरेकी थिइन्। औषधि व्यवस्थापनमा अवधीराज ज्ञवाली तथा नर्सिङ सेवामा निभा पालिखेल र शुभद्रा प्रधानको सहभागिता रहेको फाउन्डेसनले जनाएको छ।
फाउन्डेसनले आगामी दिनमा पनि यस्ता जनहितका स्वास्थ्य तथा सामाजिक कार्यक्रमलाई निरन्तरता दिने जनाएको छ।
Published Date: 12 July 2026
