काठमाडौँ, असार २३ । सेयरबजार परिसूचक नेप्सेमा दोहोरो अंकको सुधार आएको छ । आज नेप्से २४.५७ अंकले बढेर २ हजार ६५१.६८ विन्दुमा कायम भएको हो । आज सेयरबजारमा ३५२ कम्पनीका सेयर कारोबार भएको छ । ती मध्ये २१० कम्पनीका सेयरमूल्य बढेका छन् भने ५७ कम्पनीका सेयरमूलयमा गिरावट आएको छ ।
आज कुल ९५ लाख १९ हजार ४५२ कित्ता सेयर ४ अर्ब ४० करोड ७ लाख ५३ हजार रुपैयाँमा किनबेच भएको छ । कारोबार रकम सोमबारको तुलनामा २४ प्रतिशतले बढी हो । आज सेयरबजारमा सूचीकृत सबै समूहका परिसूचक सकारात्मक रहेका छन् । सबैभन्दा धेरै व्यापार समूहको परिसूचक १.८९ प्रतिशतले बढेको छ ।
कालङ्गा हाइड्रो, राष्ट्रिय वाणिज्य बैंकको डिवेञ्चरमा लगानीकर्ता तथा सानीगाड हाइड्रोका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने आत्मनिर्भर लघुवित्त वित्तीय संस्था, सिटिजन बैंकको डिवेञ्चरमा लगानीकर्ता तथा स्नो रिभर्स लिमिटेडका सेयरधनी रहेका छन् ।
Published Date: 07 July 2026
