काठमाडौँ, जेठ २९ । सेयरबजार परिसूचक नेप्सेमा गिरावट आएको छ । आज नेप्से ८.१४ अंकले घटेर २ हजार ७२८.०३ विन्दुमा कायम भएको हो । आज सेयरबजारमा ३५० कम्पनीका सेयर कारोबार भएका छन् । यी मध्ये ८२ कम्पनीका सेयरमूल्य बढेका छन् भने १७८ कम्पनीका सेयरमूलयमा गिरावट आएको छ ।
आज कुल ९२ लाख ३१ हजार २१६ कित्ता सेयर ३ अर्ब ९० करोड ६२ लाख ४५ हजार रुपैयाँमा किनबेच भएको छ । कारोबार रकम बुधबारको तुलनामा ९ प्रतिशतले कमी हो । आज सेयरबजारमा सूचकिृत समूहमध्ये होटेल तथा पर्यटन र उत्पादनशील तथा प्रशोधन समूहका परिसूचक मात्रै सकारात्मक रहेका छन् । अरु बाँकी सबै समूहका परिसूचकमा गिरावट आएको छ ।
सबैभन्दा धेरै वित्त समूहको परिसूचक १.४५ प्रतिशतले घटेको छ । सोपान फर्मास्युटिकल्स् लिमिटेड, एपोलो हाइड्रोपावर लिमिटेड तथा बोटलर्स नेपाल लिमिटेडका सेयरधनीले सबैभन्दा बढी कमाउका छन् । सबैभन्दा बढी गुमाउनेमा सप्तकोसी डेभलपमेन्ट बैंक, प्रभु बैंकका डिवेञ्चरमा लगानीकर्ता तथा राष्ट्रिय वाणिज्य बैंकका डिवेञ्चरमा लगानीकर्ता रहेका छन् ।
Published Date: 11 June 2026
