काठमाडौँ, जेठ २९ । अभिनेत्री मिरुना मगरले आफू सानैदेखि अभिनेत्री निरुता सिंहकी फ्यान र प्रेरित रहेको बताएकी छन्। फेसबुकमा बाल्यकालमा निरुतासँग खिचेको फोटो र हालैको तस्वीर साझा गर्दै उनले निरुतालाई आफ्नो आइडलका रूपमा स्मरण गरेकी हुन्।
मिरुनाले निरुताका फिल्म हेर्दै र गीतमा नाच्दै हुर्किएको उल्लेख गर्दै हालैको भेटपछि उनीप्रतिको सम्मान अझ बढेको बताइन्। मिरुनाको पोस्टलाई निरुताले आफ्नो सामाजिक सञ्जालमा सेयर गर्दै ‘माइ लिटिल स्टार’ भनेर प्रतिक्रिया दिएकी छन्।
दुवै अभिनेत्रीको भेट केही दिनअघि नयाँ बानेश्वरमा भएको थियो, जहाँ उनीहरूले भविष्यमा सँगै फिल्ममा काम गर्ने इच्छा समेत व्यक्त गरेका थिए।
Published Date: 11 June 2026
