काठमाडौं, जेठ २७ । नेपाल राष्ट्र बैंकले घरजग्गासम्बन्धी सेवाहरूलाई थप प्रविधिमैत्री बनाउने उद्देश्यले नापी कार्यालयबाट प्रदान गरिने सेवाको राजस्व अनलाइन माध्यमबाट भुक्तानी गर्ने व्यवस्था लागू गरेको छ।
राष्ट्र बैंकले बैंक तथा वित्तीय संस्थाका लागि जारी गरेको एकीकृत निर्देशिका २०८२ संशोधन गर्दै जग्गाको नक्सा, फिल्डबुक, प्लट रजिस्टरलगायतका कागजातको प्रतिलिपि प्राप्त गर्दा लाग्ने शुल्क अनलाइनमार्फत भुक्तानी गर्न सकिने व्यवस्था गरेको हो।
यसका लागि सबै बैंक तथा वित्तीय संस्थालाई ‘मेरो कित्ता’ प्रणालीको संस्थागत प्रयोगकर्ता बनेर सेवाग्राहीलाई डिजिटल भुक्तानी सुविधा उपलब्ध गराउन निर्देशन दिइएको राष्ट्र बैंकले जनाएको छ। यो व्यवस्थासँगै घरजग्गासम्बन्धी राजस्व भुक्तानी प्रक्रिया थप सहज, छिटो र पारदर्शी हुने अपेक्षा गरिएको छ।
Published Date: 10 June 2026
