भक्तपुर, जेठ ११ । भक्तपुर युवा टिमको आयोजनामा सञ्चालन भइरहेको भक्तपुर नगर अन्तर–वडा फुटसल प्रतियोगिता अन्तर्गत आज जेठ ११ गते हुने खेल तालिका सार्वजनिक गरिएको छ। प्रतियोगिताको छैटौं दिन आज तीन रोमाञ्चक खेल हुने भएका छन्।
आज साँझ ५ बजे वडा नं. ५ र वडा नं. ६ बीच पहिलो खेल हुनेछ। त्यसपछि साँझ ६ बजे वडा नं. २ र वडा नं. १० आमनेसामने हुनेछन् भने राति ७ बजे वडा नं. १ र वडा नं. ४ बीच प्रतिस्पर्धा हुने आयोजकले जनाएको छ।
प्रतियोगितिका सबै खेल भक्तपुरको न:पुखुस्थित शहिद स्मृति खेल मैदानमा सञ्चालन भइरहेको छ। प्रतियोगिताले युवाहरूमा खेलकुदप्रति आकर्षण बढाउनुका साथै वडा स्तरमै प्रतिभावान खेलाडी उत्पादन गर्ने विश्वास गरिएको छ।
प्रतियोगितालाई थप रोमाञ्चक बनाउन स्थानीय दर्शकको उल्लेख्य उपस्थिति देखिएको छ भने आयोजक भक्तपुर युवा टिमले खेललाई व्यवस्थित रूपमा सञ्चालन गरिरहेको जनाएको छ।
Published Date: 25 May 2026
