काठमाडौँ, जेठ ११ । लगातार दुई दिनको सार्वजनिक बिदापछि तेस्रो दिन धुलिखेल अस्पतालमा सेवाग्राहीको अत्यधिक भीड बढेको छ। अस्पतालमा बिहानदेखि नै बिरामी तथा आफन्तहरूको लामो लाइन लागेको छ भने करिब ३ घण्टादेखि सर्भरमा समस्या आएको भन्दै सेवा प्रभावित भएको छ।
सेवा लिन लाइनमा बसेका सर्वसाधारणले बिरामीको अत्यधिक चाप हुने अस्पतालमा समेत सेवा व्यवस्थापन कमजोर भएको भन्दै आक्रोश व्यक्त गरेका छन्। ड्युटीमा खटिएका स्वास्थ्यकर्मीहरूसँग सेवाग्राहीले ढिलो सेवा, अव्यवस्था र सर्भर समस्याप्रति असन्तुष्टि पोखेका छन्।
Published Date: 25 May 2026
