काठमाडौँ, जेठ ५ । कारोबारको दोस्रो दिन मंगलबार पनि नेप्से ओरालो लागेको छ । आज नेप्से ६.५१ अंकले घटेर २ हजार ७२४.३९ विन्दुमा कायम भएको हो ।
आज सेयरबजारमा ३४६ कम्पनीका सेयर कारोबार भएका छन् । यी मध्ये ११३ कम्पनीका सेयरमूल्य बढेका छन् भने १४५ कम्पनीका सेयरमूल्यमा गिरावट आएको छ ।
आज कुल ७८ लाख १६ हजार ४७८ कित्ता सेयर ३ अर्ब ८ करोड ७७ लाख ३१ हजार रुपैयाँमा किनबेच भएको छ । कारोबार रकम सोमबारको तुलनामा २६ प्रतिशतले बढी हो । सेयरबजारमा सूचकिृत समूहमध्ये विकास बैंक, वित्त, लघुवित्त तथा निर्जीवन बीमा समूहका परिसूचक सकारात्मक रहेका छन् ।
वाणिज्य बैंक, होटेल तथा पर्यटन, जलविद्युत, लगानी, जीवन बीमा, उत्पादनशील तथा प्रशोधन, म्युचुअल फण्ड, अन्य तथा व्यापार समूहको परिसूचकमा भने गिरावट आएको छ । कर्पोरेट डेभलपमेन्ट बैंक, नेपाल रिपब्लिक मिडिया तथा दरमखोला हाइड्रो इनर्जीका सेयरधनीले सबैभन्दा बढी कमाएका छन् ।
सबैभन्दा बढी गुमाउनेमा भने सिटि होटेल लिमिटेड, थ्रीस्टार हाइड्रोपावर तथा प्रभु बैंकका डिवेञ्चरमा लगानीकर्ता रहेका छन् ।
Published Date: 19 May 2026
