काठमाडौँ, वैशाख ३० । सेयरबजार परिसूचक नेप्सेमा सामान्य गिरावट आएको छ । आज नेप्से ४.१५ अंकले घटेर २ हजार ७४०.२५ विन्दुमा कायम भएको छ । आज सेयरबजारमा ३३९ कम्पनीका सेयर कारोबार भएका छन् । यी मध्ये ८२ कम्पनीका सेयरमूल्य बढेका छन् भने १७६ कम्पनीका सेयरमूल्यमा गिरावट आएको छ ।
आज कुल ५६ लाख ४३ हजार २८८ कित्ता सेयर २ अर्ब ८० करोड ७४ लाख ४६ हजार रुपैयाँमा किनबेच भएको छ । कारोबार रकम मंगलबारको तुलनामा ४० प्रतिशतको कमी हो । आज सेयरबजारमा सूचीकृत समूहमध्ये उत्पादनशील तथा प्रशोधन र व्यापार समूहको परिसूचक मात्रै सकारात्मक रहेका छन् ।
बाँकी सबै समूहका परिसूचक ओरालो लागेका छन् । सबैभन्दा धेरै निर्जीवन बीमा समूहको परिसूचक ०.६१ प्रतिशतले घटेको छ । एसियन हाइड्रोपावर लिमिटेड, एसवाई प्यानल नेपाल लिमिटेड तथा हिमालयन बैंकको बोण्डमा लगानीकर्ताले सबैभन्दा धेरै कमाएका छन् । सबैभन्दा धेरै गुमाउनेमा भने धौलागिरी लघुवित्त वित्तीय संस्था, झापा इनर्जी लिमिटेड तथा सिटिजन बैंकका डिवेञ्चरमा लगानीकर्ता रहेका छन् ।
Published Date: 13 May 2026
