काठमाडौं, वैशाख ३० । यस वर्षको वसन्त ऋतुमा हिमाल आरोहण गर्ने क्रममा अहिलेसम्म ५ जनाको ज्यान गएको छ। मृत्यु हुनेमा तीन जना सगरमाथा र दुई जना मकालु हिमाल आरोही छन्।
पर्यटन विभागले दिएको जनाकारीअनुसार वैशाख २० गते सगरमाथा आधार शिविर नजिकै सेभेन समिट ट्रेक्सका गाइड लाक्पा डेन्डी शेर्पाको निधन भएको थियो। यसैगरी वैशाख २७ गते खुम्बु आइसफलमा सोलुखुम्बुको दुधकुण्ड नगरपालिका घर भएका विजय घिमिरेको निधन भएको थियो।
वैशाख २८ गते तेस्रो आधार शिविरमा आरोही गाइड फुरा गेल्जेन शेर्पाको निधन भएको छ।
वैशाख २१ गते चेक रिब्लिकका आरोही डेभिड रुविनिकको मकालु हिमालको ७ हजार ३०० मिटरमा निधन भएको छ भने अर्का अमेरिकी आरोही जोनसन सेल्लीको मकालु हिमालको ७ हजार २ सय मिटरमा निधन भएको विभागले जनाएको छ ।
Published Date: 13 May 2026
