भक्तपुर, वैशाख २१ । भक्तपुरको इन्द्रायणी पीठ, खौमा–२ मा अवस्थित जेसीज् सेकेन्डरी स्कुल सन् १९७९ मा स्थापना भएको एक प्रतिष्ठित शैक्षिक संस्था हो। सार्वजनिक शैक्षिक ट्रष्टअन्तर्गत सञ्चालन भइरहेको यो गैरनाफामूलक विद्यालयले सुरुदेखि नै गुणस्तरीय शिक्षा, अनुशासन र नैतिक मूल्यमान्यताको प्रवर्द्धनमा विशेष ध्यान दिँदै आएको छ।
विद्यालयले नर्सरीदेखि कक्षा १० सम्म आधुनिक तथा विद्यार्थी–केन्द्रित पाठ्यक्रमअनुसार अध्ययन–अध्यापन गराउँदै आएको छ। शैक्षिक उत्कृष्टतासँगै विद्यार्थीको समग्र व्यक्तित्व विकासलाई प्राथमिकता दिँदै विद्यालयले शैक्षिक तथा अतिरिक्त क्रियाकलापबीच सन्तुलन कायम गरेको छ।
जेसीज् सेकेन्डरी स्कुलमा राष्ट्रिय पाठ्यक्रममा आधारित व्यवस्थित शिक्षण प्रणाली लागू गरिएको छ। अनुभवी, दक्ष र समर्पित शिक्षक–शिक्षिकाको टोलीले नियमित मूल्याङ्कन तथा परीक्षाको तयारीमा सहयोग गर्दै विद्यार्थीलाई अवधारणात्मक र प्रयोगात्मक शिक्षामा केन्द्रित गराउँछन्।
विद्यालयले खेलकुद, शारीरिक शिक्षा, संगीत, नृत्य, कला तथा सांस्कृतिक कार्यक्रमहरूलाई विशेष प्राथमिकता दिएको छ। यसका साथै शैक्षिक प्रतियोगिता, प्रतिभा पहिचान कार्यक्रम, शुक्रबारका क्लब तथा ECA गतिविधि, नेतृत्व विकास र व्यक्तित्व विकास तालिममार्फत विद्यार्थीलाई बहुआयामिक रुपमा सक्षम बनाइन्छ।
विद्यालयमा फराकिला, सफा र हावापानी सहज रूपमा आउने कक्षाकोठा रहेका छन्। विज्ञान तथा कम्प्युटर प्रयोगशाला, पुस्तकालय तथा खेलमैदानले विद्यार्थीलाई सुरक्षित, अनुशासित र प्रेरणादायी वातावरण प्रदान गर्छ।
विद्यालयको दीर्घकालीन लक्ष्य सक्षम, नैतिक मूल्ययुक्त, सृजनशील तथा नवप्रवर्तनशील सोच भएका नागरिक उत्पादन गर्नु हो। यसका लागि विद्यालयले गुणस्तरीय तथा व्यवहारिक शिक्षा, अनुशासन, जीवन उपयोगी सीप विकास, र शारीरिक, मानसिक, सामाजिक तथा भावनात्मक विकासमा जोड दिएको छ।
विद्यालयका प्रधानाध्यापक जयराम गोर्खालीका अनुसार विद्यालयले प्रत्येक विद्यार्थीको अद्वितीय क्षमता पहिचान गरी उनीहरूको शैक्षिक, सामाजिक र व्यक्तिगत विकासमा सहयोग पुर्याउने लक्ष्य राखेको छ। आधुनिक शिक्षण प्रविधि, नियमित मूल्याङ्कन र विविध अतिरिक्त क्रियाकलापमार्फत विद्यार्थीलाई जिम्मेवार, अनुशासित र आत्मविश्वासी नागरिक बनाउनेतर्फ विद्यालय प्रतिबद्ध रहेको उनले बताएका छन्।
विद्यालय व्यवस्थापन समितिका अध्यक्ष कृष्ण प्रसाद आवालले शिक्षा केवल पाठ्यपुस्तकमा सीमित नभई जीवन उपयोगी ज्ञान, सीप र आत्मविश्वास विकास गर्ने माध्यम भएको बताएका छन्। अभिभावक, शिक्षक र समुदायको सहकार्यमा उत्कृष्ट शैक्षिक वातावरण निर्माण गर्दै विद्यालयलाई शैक्षिक उत्कृष्टताको केन्द्र बनाउने लक्ष्य रहेको उनको भनाइ छ।
किन रोज्ने जेसीज् सेकेन्डरी स्कुल ?
व्यक्तिगत ध्यानसहितको गुणस्तरीय शिक्षा ,
अनुशासित र मूल्यमा आधारित शिक्षण वातावरण ,
शिक्षक–विद्यार्थीबीच मैत्रीपूर्ण सम्बन्ध ,
शैक्षिक र अतिरिक्त क्रियाकलापबीच सन्तुलन ,
बालमैत्री तथा सुरक्षित वातावरण ,
हाल विद्यालयमा नयाँ शैक्षिक सत्रका लागि प्ले ग्रुपदेखि कक्षा ९ सम्म भर्ना खुला गरिएको छ। अभिभावक तथा सरोकारवालाहरूलाई विद्यालय भ्रमण गरी शैक्षिक वातावरण अवलोकन गर्न विद्यालयले अनुरोध गरेको छ।
Published Date: 04 May 2026
