भक्तपुर, वैशाख १० । नेपाल पत्रकार महासंघ जिल्ला शाखा भक्तपुरले तीन तहका सरकारका विज्ञापन केवल सरकारी सञ्चारमाध्यमलाई मात्र दिने प्रधानमन्त्री तथा मन्त्रिपरिषद्को कार्यालय को निर्णयप्रति आपत्ति जनाएको छ।
महासंघले उक्त निर्णय प्रेस तथा अभिव्यक्ति स्वतन्त्रताको अन्तर्राष्ट्रिय मापदण्ड, नेपालको संवैधानिक व्यवस्था, खुला अर्थनीति तथा संघीयताको मर्मविपरीत भएको ठहर गरेको छ।
यसै सन्दर्भमा महासंघ जिल्ला शाखा भक्तपुरले प्रमुख जिल्ला अधिकारीमार्फत प्रधानमन्त्रीलाई ज्ञापनपत्र बुझाउँदै निर्णय तत्काल पुनर्विचार गर्न माग गरेको जनाएको छ।
