भक्तपुर, चैत २२ । नेपाल मजदुर किसान पार्टीको केन्द्रीय समितिको बैठकमा अध्यक्ष नारायणमान बिजुक्छेँले समाजवादको विकल्प नभएको बताएका छन्। उनले कार्यकर्ताहरूलाई निर्वाचनमा मात्र होइन, निरन्तर जनताबीच रहेर संगठन विस्तार गर्न आग्रह गरे।
उनले दुई–चार वर्षमै कोही पनि परिपक्व नेता बन्न नसक्ने उल्लेख गर्दै अध्ययन, अनुभव र जनतासँगको सम्बन्धलाई बलियो बनाउनुपर्ने बताए।
बैठकमा सचिव प्रेम सुवालले प्रतिवेदन प्रस्तुत गरेका थिए भने बैठक आइतबारसम्मका लागि स्थगित गरिएको छ।
Published Date: 05 April 2026
