काठमाडौं, चैत १८ । इन्डियन प्रिमियर लिग (आईपीएल) मा पञ्जाब किङ्सले घरेलु मैदानमा विजयी सुरुआत गरेको छ। मंगलबार भएको खेलमा पञ्जाबले गुजरात टाइटन्सलाई ३ विकेटले हरायो।
पहिले ब्याटिङ गरेको गुजरातले २० ओभरमा ६ विकेट गुमाउँदै १६२ रन बनायो। पञ्जाबका विजयकुमार विशाकले ३४ रन खर्चेर ३ विकेट लिँदै उत्कृष्ट बलिङ गरे।
जवाफमा पञ्जाबले १९.१ ओभरमा ७ विकेट गुमाउँदै लक्ष्य पूरा गर्यो। डेब्यू खेलमै कूपर कोनोलीले अविजित ७२ रन बनाएर टोलीलाई जित दिलाए। प्रभसिमरन सिंहले ३८ रन तथा कप्तान श्रेयस अय्यरले १८ रनको योगदान दिए।
मध्यक्रममा दबाबमा परेको पञ्जाबलाई कोनोलीको संयमित र आक्रामक ब्याटिङले जिततर्फ डोर्यायो।
Published Date: 01 April 2026
