भक्तपुर, फागुण १० । भक्तपुर नगरपालिका वडा नं.२ को आयोजनामा वडा स्तरिय बासिहरुलाई हृदयघाट सम्बन्धी अभिमुखीकरण कार्यक्रम सम्पन्न भयो ।
कार्यक्रममा वडा सदस्य न्हुछेराम कोजुले वडा बासिहरुको स्वस्थ्यलाई प्राथमिकता दिदैँ वडामा यस कार्यक्रमको आयोजना गर्नुको साथै स्थानिय बासिन्दाको आवश्यकता अनुसार निर्वाचनको घोषना पत्र अनुसार कार्य गर्दै आएको बताए ।
स्वस्थ्य उपसिमितिका संयोजक मन्जु लाखाजुले घरदैलो नर्सिङ सेवालाई अझ प्रभावकारी बनाउने र जनतासंग प्रत्यक्ष सम्पर्कमा रहने कार्य स्वास्थ्य क्षेत्रबाट भैरहेको बताए । उनले समय र परिस्थिती अनुसार विभिन्न समयमा विभिन्न रोगहरु बारे अभिमुखीकरण कार्यक्रम गर्दै स्वास्थ्य क्षेत्रमा चेताना अभिबृद्धि गर्दै आएको र आगामी दिनमा पनि यस्ता कार्यक्रमलाई निरन्तरता दिने कुरा पनि प्रष्ट पारे ।
कायक्रममा वडा नं. २ का नर्स जजनी कोजुले हृदयघाट सम्बन्धी प्रस्तुती दिएका थिए ।
