काठमाडौं, चैत ८ । सेयरबजार परिसूचक नेप्सेमा उछाल आएको छ । साताको पहिलो दिन आइतबार नेप्से ५४.५१ विन्दुले बढेर २ हजार ९३१.५५ विन्दुमा कायम भएको छ । नेप्सेको यो उचाइ गएको साउन १५ पछाडिकै उच्च विन्दु हो । आज सेयरबजारमा ३६४ कम्पनीका सेयर कारोबार भएका छन् ।
कारोबारमा आएका १८३ कम्पनीका सेयरमूल्य बढेका छन् भने ७३ कम्पनीका सेयरमूल्यमा गिरावट आएको छ । आज कुल ६ करोड १४ लाख ७ हजार ७४ कित्ता सेयर २३ अर्ब ५९ करोड ७७ लाख १२ हजार रुपैयाँमा किनबेच भएको छ ।
सेयरबजारमा सूचीकृत समूहगत परिसूचकमध्ये व्यापार समूहको परिसूचकमा गिरावट आएको छ । बाँकी सबै समूहका परिसूचक सकारात्मक रहेका छन् । सबैभन्दा धेरै लघुवित्त समूहको परिसूचक ४.२१ प्रतिशतले बढेको छ । कर्पोरेट डेभलपमेन्ट बैंक, सालपा विकास बैंक तथा रिलायन्स् स्पिनिङ मिल्स्का सेयरधनीले सबैभन्दा बढी कमाएका छन् ।
सबैभन्दा बढी गुमाउनेमा भने एनआईसी एसिया ब्यालेन्स् फण्ड, सुपर मादी हाइड्रोपावर तथा श्रीनगर एग्रिटेक इन्ड्रष्टिजका सेयरधनी रहेका छन् ।
