काठमाडौं, फागुन ९ । सांग्रिलाले सातौं अर्किड कप जुनियर ब्वाइज फुटबल प्रतियोगिताको उपाधि जितेको छ । काँडाघारीस्तिथत आयोजक अर्किडको मैदानमा भएको फाइनलमा सांग्रिलाले कौतिल्यलाई १–० गोलले पराजित गरेको थियो। खेलमा मनकामना तेश्रो भएको थियो ।
प्रतियोगिता अन्तर्गत शीर्ष तीन स्थान हात पार्नेले क्रमशः ३० हजार, २० हजार र १० हजार नगद पुरस्कार प्राप्त गरेका थिए भने चौथो भएको माउन्ट सेबले ५ हजार नगद पुरस्कारप्राप्त गरेका थिए ।
विजेतालाई कागेश्वरी मनोहरा नगरपालिका मेयर उपेन्द्र कार्की, अर्किडका सञ्चालक प्रेमकुमार भुजेल, प्रिन्सिपल चोलेन्द्रबहादुर कार्कीलगायतले एक कार्यक्रमबीच पुरस्कृत गरेको थियो । नकआउट प्रतियोगितामा ३८ टिम सहभागी थिए ।
