काठमाडौँ, चैत ५ । साताको अन्तिम कारोबार दिन विहीबार सेयरबजार परिसूचक नेप्सेमा चमक आएको छ । बिहीबार नेप्से ६४.६७ अंकले बढेर २ हजार ८७७.०२ विन्दुमा कायम भएको छ । आज सेयरबजारमा ३४२ कम्पनीका सेयर कारोबार भएका छन् ।
यी मध्ये २४० कम्पनीका सेयरमूल्य बढेका छन् भने २२ कम्पनीका सेयरमूल्यमा गिरावट आएको छ । आज कुल ५ करोड ६९ लाख २० हजार ६०८ कित्ता सेयर २१ अर्ब २२ करोड ३४ लाख ९५ हजार रुपैयाँमा किनबेच भएको छ । बुधबारको तुलनामा विहीबारको कारोवार ७६ प्रतिशतले बढी हो ।
आज सेयरबजारमा सूचीकृत सबै समूहको परिसूचक सकारात्मक रहेका छन् । सबैभन्दा धेरै विकास बैंक समूहको परिसूचक ३.९५ प्रतिशतले बढेको छ । कर्पोरेट डेभलपमेन्ट बैंक, सालपा विकास बैंक तथा रिलायन्स् स्पिनिङ मिल्स्का सेयरधनीले सबैभन्दा बढी कमाएका छन् ।
सबैभन्दा बढी गुमाउनेमा भने नेपाल लाईफ समृद्धि लगानी योजना, एभरेष्ट बैंक लिमिटेडको डिवेञ्चरका लगानीकर्ता तथा माहुली लघुवित्त वित्तीय संस्थाका लगानीकर्ता रहेका छन् ।
Published Date: 19 March 2026
