काठमाडौं, चैत १ । टर्कीका अर्दा गुलरले मैदानको मध्यभागबाट शानदार गोल गरेको खेलमा रियल म्याड्रिडले एल्चेलाई ४–१ ले हराएको छ। यो जितसँगै रियल ला लिगाको शीर्ष टोली बार्सिलोनाभन्दा १ अंकले मात्र पछि रहेको छ। यद्दपी बार्सिलोनाले १ खेल कम खेलेको छ।
खेलको ३९ औं मिनेटमा रियलका लागि एन्टोनियो रुडिगरले पहिलो गोल गरे। त्यसको ५ मिनेटपछि फेडेरिको भाल्भेर्डेले गोल गर्दै टोलीको अग्रता दोब्बर बनाए।
६६ औं मिनेटमा डिन हुइसेनले हेडरमार्फत तेस्रो गोल गरे। ८५ औं मिनेटमा रियलका मानुएल एन्जेलले आत्मघाती गोल गर्दा एल्चेका लागि सान्त्वना मात्र बन्यो।
खेलको सबैभन्दा आकर्षक गोल भने गुलरको रह्यो। ८९ औं मिनेटमा उनले करिब मध्यरेखाबाटै बल चिप गर्दै गोलकिपर माथियास दितुरोलाई छक्याएर गोल गरे।
रियलका प्रशिक्षक अल्भारो आर्बेलोआले गुलरको गोललाई असाधारण र अविस्मरणीय भन्दै प्रशंसा गरे।
यसअघि च्याम्पियन्स लिगमा भाल्भेर्डेको ह्याट्रिकमा रियलले म्यानचेस्टर सिटीलाई ३–० ले हराएको थियो। जितसँगै रियल दोस्रो स्थानमा छ । लगातार ११ खेलमा जित निकाल्न नसकेको एल्चे तालिकाको १७औँ स्थानमा छ।
Published Date: 15 March 2026
