काठमाडौँ, फागुन ११ । साताको दोस्रो कारोबार दिन सेयरबजार परिसूचक नेप्सेमा सामान्य सुधार आएको छ । आज नेप्से २.४१ अंकले बढेर २ हजार ६१६.९७ विन्दुमा कायम भएको हो । आज सेयरबजारमा ३२९ कम्पनीका सेयर कारोबार भएका छन् ।
ती मध्ये ११३ कम्पनीका सेयरमूल्य बढेका छन् भने १४० कम्पनीका सेयरमूल्यमा गिरावट आएको छ । आज कुल १ करोड २६ लाख २१ हजार १८८ कित्ता सेयर ५ अर्ब १३ करोड ८६ लाख ५० हजार रुपैयाँमा किनबेच भएको छ । कारोबार रकम आइतबारको तुलनामा २३.३० प्रतिशतले कमी हो ।
सेयरबजारमा सूचीकृत समूहगत परिसूचकमध्ये वाणिज्य बैंक, विकास बैंक, वित्त, लगानी, जीवन बीमा तथा अन्य समूहका परिसूचक सकारात्मक रहेका छन् । होटेल तथा पर्यटन, जलविद्युत, उत्पादनशील समूह, लघुवित्त, म्युचुअल फण्ड, निर्जीवन बीमा तथा वयापार समूहको परिसूचकमा भने गिरावट आएको छ ।
सालपा विकास बैंक, रिलायन्स् स्पिनिङ् मिल्स् तथा मेघा म्युचुअल फण्डका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने एनआईवीएल समृद्धि फण्ड, मोलुङ हाइड्रोपावर कम्पनी तथा कालीका लघुवित्त वित्तीय संसथाका सेयरधनी रहेका छन् ।
Published Date: 23 February 2026
