काठमाडौं, फागुन ९ । ग्लोबल आइएमई बैंकको शेयर नेप्सेमा सूचीकृत भएको छ । साविकको बैंक अफ काठमाण्डूकाे शेयर ग्लोबल आइएमई बैंकको नाममा सूचीकृत भएको हो ।
दूई बैंकबीच १ बराबरको १ को अनुपातमा मर्जर भएको थियो । मर्जर पश्चात बैंक अफ काठमाण्डूको नाममा रहेको ११ करोड २६ लाख १४ हजार ३३७.१७ कित्ता शेयर ग्लोबल आइएमई बैंकको नाममा नेप्सेमा सूचीकृत भएको हो ।
मर्जर प्रयोजनको लागि रोक्का रहेको बैंकको शेयर कारोबार पनि फुकुवा गरेको छ । त्यस अनुसार आज देखि कम्पनीको शेयर किनबेच गर्न सकिनेछ ।
नेप्सेले बैंकको शेयरलाई २०९ रुपैयाँ ४२ पैसा ओपनिङ्ग रेन्ज प्रदान गरेको छ । सोहि रेन्जको आधारमा बैंकको शेयर आज कारोबारमा आउनेछ ।
