काठमाडौँ,माघ २५ । साताको पहिलो कारोबार दिन आइतबार सेयरबजार परिसूचक नेप्से दोहोरो अंकले घटेको छ । आइतबार नेप्से १०.२५ अंकले घटेर २ हजार ६९८.४४ विन्दुमा कायम भएको छ । सेयरबजारमा आज ३३० कम्पनीका सेयर कारोबार भएका छन् । यी मध्ये ८५ कम्पनीका सेयरमूल्य बढेका छन् भने १६८ कम्पनीका सेयरमूल्य ओरालो लागेका छन् ।
आज सेयरबजारमा कुल २ करोड ६२ लाख ३६ हजार २०४ कित्ता सेयर ११ अर्ब ६५ करोड ९७ लाख ५२ हजार रुपैयाँमा किनबेच भएका छन् । कारोबार रकम विहीबारको तुलनामा ७ करोड ६९ लाख रुपैयाँले बढी हो । सेयरबजारमा सूचीकृत समूहगत परिसूचकमध्ये लगानी र अन्य समूहका परिसूचक मात्रै सकारात्मक रहअेका छन् । बाँकी सबै समूहका परिसूचक घटेका छन् ।
सुपर माई हाइड्रोपावर लिमिटेड, रिडी पावर कम्पनी तथा खानीखोला हाइड्रोेपावर कम्पनीका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने कालिञ्चोक दर्शन लिमिटेड, कर्पोरेट डेभलपमेन्ट बैंक तथा नारायणी डेभलपमेन्ट बैंकका सेयरधनी रहेका छन् ।
Published Date: 08 February 2026
