काठमाडौँ, मंसिर २३ । कीर्तिपुरको त्रिवि क्रिकेट मैदानमा जारी नेपाल प्रीमियर लीग–२०२५ मा आज मंसिर २३ गते मंगलवार पहिलो क्वालिफायर खेल खेलिँदैछ । आज दिउँसो ४ बजेदेखि प्रारम्भ हुने यो रोमाञ्चक खेलमा विराटनगर किङ्स तथा सुदूरपश्चिम रोयल्सबीच भिडन्त हुँदैछ ।
सुदूरपश्चिम अंक तालिकाको शीर्ष र विराटनगर दोस्रो स्थानमा पुगेर पहिलो क्वालिफायर खेल्ने पक्का गरेका हुन्।
सुदूरपश्चिम लिग चरणका सात खेलमध्ये छ र विराटनगरले भने सातमध्ये पाँच खेल जितेको थियो। सुदूरपश्चिमले विराटनगरसँग मात्रै लिग चरणमा पराजय भोग्नुपरेको थियो। विराटनगर भने चितवन र लुम्बिनीसँग पराजित भएको हो।
आज जित्ने टोली सिधै फाइनल पुग्नेछ। पराजित टोली इलिमिनेटर खेल्ने मौका पाउनेछ।
Published Date: 09 December 2025
