काठमाडौं, मंसिर १९ । त्रिवि अन्तर्राष्ट्रिय क्रिकेट रंगशालामा जारी दोस्रो संस्करणको नेपाल प्रिमियर लिग (एनपीएल) मा आज बेलुका रोमाञ्चक भिडन्त हुँदैछ । लुम्बिनी लायन्स र जनकपुर बोल्ट्स अपराह्न ४ बजे आमनेसामने हुनेछन् ।
६ खेलबाट ६ अंकको सम्कलनमा बसेको लुम्बिनीका लागि आजको खेल करो वा मरो समान छ। प्लेअफ प्रवेश सुरक्षित गर्न उनीहरूलाई अनिवार्य जित आवश्यक छ । तीन जित र तीन हारसहित तालिकाको चौथो स्थानमा रहेको लुम्बिनीले आज विजयी हुन सकेमा प्रतियोगिताको अन्तिम चारमा पुग्ने चौथो टिम बन्नेछ ।
