भक्तपुर, मंसिर १ । सांगीतिक एवं सांस्कृतिक सम्पदाको प्रवर्द्धनका लागि सङ्गीत ग्राम गुरुकुल नेपाल र प्रोजेक्ट सुरिलो भक्तपुरले आयोजना गर्न लागेको यः मरी पुन्हि संगीत महोत्सव–२०८२ आगामी मङ्सिर १८ गते भव्य रूपमा सम्पन्न हुने भएको छ।
महोत्सव विद्यार्थी निकेतन सेकेन्डरी स्कुल, साकोठा, भक्तपुरमा आयोजना हुनेछ। नेवारी समुदायको महत्वपूर्ण चाड यः मरी पुन्हिलाई सांगीतिक र सांस्कृतिक उत्सवसँग जोड्दै स्थानीय परम्पराको संरक्षण र प्रवर्द्धन गर्ने उद्देश्यले कार्यक्रम आयोजना गरिएको आयोजकले बताएका छन्।
कार्यक्रममा स्थानीय कलाकारहरूका प्रस्तुति, सांगीतिक आकर्षण, सांस्कृतिक प्रदर्शन तथा समुदायको सहभागिता रहनेछ। आइकन खबर डटकम सहित कैयौँ प्रतिष्ठानहरू कार्यक्रमलाई सहयोग र साझेदारी प्रदान गरिरहेका छन्।
महोत्सवमा ठूलो संख्यामा दर्शकहरूको उपस्थिति रहने अपेक्षा गरिएको छ।
