चितवन, मंसिर १३ । चितवन राष्ट्रिय निकुञ्जको बफर जोनमा अवस्थित बिसहजारी ताल प्राकृतिक सौन्दर्य, चराचुरुङ्गीको चहलपहल र शांत वातावरणका कारण चितवनको प्रमुख आकर्षक गन्तव्य बनेको छ। करिब ३,२०० हेक्टर क्षेत्रफलमा फैलिएको यो ताल क्षेत्र सयौँ साना–ठूला पोखरी, दलदली भू–भाग र हरियाली वनले समृद्ध छ।
यहाँ २७० भन्दा बढी चरा प्रजाति देखिने भएकाले यो ताल बर्ड–वाचिङका लागि विशेष लोकप्रिय छ। साल–वन, दलदली क्षेत्र र जलचर–वनस्पतिले यस स्थानलाई जैविक विविधताको महत्वपूर्ण केन्द्र बनाएको छ।
बिसहजारी तालको शान्त वातावरण, सुन्दर दृश्य र प्रकृतिसँग नजिक भएर समय बिताउने अवसरले यहाँ आउने पर्यटकलाई मोहित बनाइरहेको छ। समुदायको सहभागिता र संरक्षण प्रयासले ताल क्षेत्रलाई थप व्यवस्थित र आकर्षक बनाएको छ।
चितवन भ्रमण गर्नेका लागि बिसहजारी ताल आजकाल अवश्य हेर्नुपर्ने प्राकृतिक गन्तव्यका रूपमा स्थापित भइरहेको छ।
