भक्तपुर, फागुन ७ । भक्तपुर युवा टीमको आयोजनामा जारी दोस्रो भक्तपुर कप–२०७९ खुला फुटबल प्रतियोगिताको तेस्रो दिन आइतबार पनि जारी रह्यो । द हिलिङ्ग होम एफसी र सृजनानगर एफसीबीच भएको प्रतियोगितामा खेलको अन्तसम्ममा दुवै टीमबाट २–२ गोलको बराबरी भएको थियो ।
दुवै टीमबीच पेनाल्टी सुट आउटमा द हिलिङ्ग होम एफसीले सृजनानगर एफसीलाई २–४ ले पराजित गरी क्वाटर फाइनलमा प्रवेश गर्न सफल भएका छन् । सोही खेलबाट सृजनानगरका गोलकिपर हार्दिक कार्की उदयीमान खेलाडी घोषण भएका छन् भने सोही टीमका जर्सी नम्बर ७ का नरेश तामाङ खेलको उत्कृष्ट खेलाडी घोषित भए ।
त्यस्तै आइतबारै भएको सीओबी क्र्यू र एपीएपफ बलम्बूबीच भएको खेलमा सीओबी क्र्यूले एपीएफ बलम्बूलाई १–२ गोलले पराजित गरी क्वाटर फाइनलमा प्रवेश गर्न सफल भएका छन् । खेलबाट एपीएफ बलम्बूका विनय मगर उदयीमान खेलाडी घोषणा भएका छन् भने सीओबी क्र्यूका कबू लिम्बू उत्कृष्ट खेलाडी घोषित भए ।
प्रतियोगिताको चौंथो दिन सोमबार पहिलो खेल विहान ९ः३० बजे बनेपा ब्वाइज र डार्क सुटर्सबीच हुनेछ भने दोस्रो खेल दिउँसो १२ः३० बजे गोदावरी एफसी र एफसी र्यालेबीच हुने टीम कमिसनर अनिल सुकुपायोले जनाएको छ ।
