काठमाडौँ, कार्तिक १३ । साताको अन्तिम कारोबार दिन सेयरबजार परिसूचक नेप्से दोहोरो अंकले बढेको छ । बिहीबार नेप्से ३४.२२ अंकले बढेर २६००.३८ विन्दुमा कायम भएको छ । बिहीबार सेयरबजारमा ३१९ कम्पनीका सेयर कारोबार भए ।
कुल २ करोड ६० लाख १० हजार ७१८ कित्ता सेयर ५३ हजार ११२ कारोबारबाट ७ अर्ब ५१ करोड ३९ लाख ३८ हजार रुपैयाँमा किनबेच भएको छ । सेयरबजारमा सूचीकृत समूहगत परिसूचकमध्ये म्युचल फण्ड समूहका परिसूचक बाहेक बाँकी सबै समूहका परिसूचक सकारात्मक छन् ।
सबैभन्दा धेरै जलविद्युत समूहको परिसूचक २.६७ प्रतिशतले बढेको छ । गुराँस लघुवित्त वित्तीय संस्था, उन्नति सहकार्य लघुवित्त वित्तीय संस्था तथा सुपर मादी हाइड्रोपावरका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने एनआईविएल स्टेवल फण्ड, सानीमा ग्रोथ फण्ड तथा आशा लघुवित्त वित्तीय संसथाका सेयरधनी रहेका छन् ।
