काठमाडौँ, फागुन ४ । म्यानचेस्टर सिटी आर्सनललाई उछिन्दै नोभेम्बरयता पहिलो पल्ट इंग्लिस प्रिमियर लिगको शीर्ष स्थानमा उक्लेको छ । सिटीले बुधबारको खेलमा यसअघि पहिलो स्थानमा रहेको आफ्नो प्रतिद्वन्द्वी आर्सनललाई ३–१ ले हरायो ।
लिगको यस सिजनको सबैभन्दा ठूलो र महत्त्वको खेलमा सिटीले दोस्रो हाफमा उत्कृष्ट प्रदर्शन गरेको थियो । केभिन डे ब्रुएनाले सिटीका लागि पहिलो गोल गरेयता आर्सनलका तर्फबाट बुकायो साकाले बराबरी गोल फर्काए ।
दोस्रो हाफमा ज्याक ग्रेलिस र इर्लिङ हालान्डले गोल गरे । यो जितपछि सिटी र आर्सनल समान ५१ अंकमा रहे । सिटी गोल अन्तरले अगाडि रहेको हो । तर उसले आर्सनलको तुलनामा एक खेल बढी खेलेको छ ।
Published Date: 16 February 2023
