भक्तपुर, फागुन १४ । महाशिवरात्री पर्वको अवसरमा भक्तपुरको विभिन्न शिवालयहरुमा बिहानै देखि दर्शनार्थीहरुको भीड लागेको छ। भक्तपुरको साँगामा अवस्थित कैलाशनाथ महादेव स्थानमा पनि भीड लागेको हो ।
भक्तपुरको डोलेश्वर महादेवको मन्दिर, भक्तपुर र काभ्रे जिल्लाको संगममा अवस्थित आशापुरी महादेवको मन्दिर, भक्तपुरको कमलविनायकमा अवस्थित यातु महादेव, भक्तपुर कै हनुमानघाट, अनि भक्तपुर दरबार क्षेत्रमा अवस्थित पशुपतिनाथको मन्दिर मा आज भक्तजनहरुको विशेष उपस्थिति रहेको छ।
