काठमाडौँ, माघ १३ । साविक विजेता म्यानचेस्टर सिटीले इङ्ग्लिस प्रिमियर लिगमा शनिवार सहज जित हासिल गरेको छ ।
चेल्सीलाई ३-१ ले हराउँदै सिटी अंक तालिकाको चौथो स्थानमा उक्लेको छ। घरेलु मैदानमा सिटीलाई पुनरागमन जित दिलाउन जोस्को ग्यार्डिओल, एर्लिङ हालान्ड र फिल फोडेनले गोल गरे । चेल्सीका नोनी मडोकीले गोल गरे ।
सुरुवाती अग्रता चेल्सीले लिएको थियो । मडोकीले तेस्रो मिनेटमा नै गोल गरे । सिटीका लागि खेलको ४२औं मिनेटमा ग्यार्डिओलले बराबरी गोल फर्काए । पहिलो हाफ १-१ को बराबरीमा सकियो ।
खेलको ६८औं मिनेटमा हालान्डले गोल गर्दै सिटीलाई अग्रता दिलाए । खेलको ८७औं मिनेटमा गोल गर्दै फोडेनले गोल गरे पछि सिटीको जित निश्चित बन्यो ।
जितसँगै २३ खेलमा सिटीको ४१ अंक पुगेको छ । १ खेल कम खेलेको लिभरपुल ५३ अंकका साथ शीर्ष स्थानमा छ । चेल्सी २३ खेलमा ४० अंकका साथ छैटौं स्थानमा छ ।–एजेन्सी
