काठमाडौं, कार्तिक २६ । चेल्सीले इंग्लिस प्रिमियर लिगको रोमाञ्चक खेलमा आर्सनललाई १-१ को बराबरीमा रोकेको छ । लन्डन डर्बीमा आइतवार आर्सनलले अग्रता जोगाउन नसक्दा बराबरीमा चित्त बुझाउनु परेको थियो ।
ग्याब्रिएल मार्टिनेलीले ६० औं मिनेटमा गरेको गोलमा आर्सनलले दोस्रो अग्रता लिएको थियो । चेल्सीको मैदान स्टायनफोर्ड ब्रिजमा भएको खेलमा ७० औं मिनेटपछि पेड्रो नेटोले उत्कृष्ट गोल गर्दै खेल बराबरीमा ल्याएका थिए।
आर्सनल लिगका पछिल्ला चार खेलमा जित निकाल्न सकेको छैन । समान ११ खेलमा दुवै टोलीको समान १९ अंक छ। चेल्सी तेस्रो र आर्सनल चौथो स्थानमा छ। शीर्ष स्थानको लिभरपुलको २८ र म्यानचेस्टर सिटीको २३ अंक छ।
इपिएलमा आइतवारका अन्य खेलमा म्यानचेस्टर युनाइटेडले लेस्टर सिटीलाई ३–०, इपस्विच टाउनले टोटनहमलाई २–१ ले तथा न्युकासल युनाइटेडले नटिङघम फरेस्टलाई ३–१ ले पराजित गरेको छ। – एजेन्सी
