धनगढि, माघ २५ । सुदूरपश्चिम प्रदेशका मुख्यमन्त्री राजेन्द्रसिंह रावलले आज विश्वासको मत लिने तयारी गरेका छन् । उनले बुधबार दिउँसो १ बजे प्रदेशसभा बैठकमा विश्वासको मत लिने कार्यक्रम छ ।
सरकार गठनका क्रममा मुख्यमन्त्री सिंहलाई समर्थन गरेको नागरिक उन्मुक्ति पार्टीले जेलमा रहेका रेशम चौधरी र हालै पक्राउ परेका सांसद अरुण चौधरीको रिहाइको प्रत्याभूति नगरेसम्म सुदूरपश्चिम सरकारलाई विश्वासको मत नदिने निर्णय गरेको छ । ।
सुदूरपश्चिम प्रदेशसभा सदस्य लक्ष्मण किशोर चौधरीले सरकारको हिरासतमा रहेका रेशम चौधरीलाई रिहा गर्न माग पूरा गर्नुको साटो निर्दोष अरुण चौधरीलाई थुनामा राख्ने कामले आफूले समर्थन गर्न नसक्ने बताएका छन् ।
यस्तो अवस्थामा मुख्यमन्त्री रावलले विश्वासको मत नपाउने आशंका गरिएको छ । नागरिक उन्मुक्ति पार्टीले आफ्नो समर्थन फिर्ता लिए भने सरकार स्वतः अल्पमतमा जानेछ। संविधानअनुसार माघ ११ गते नियुक्त भएका मुख्यमन्त्री रावलले फागुन ९ गते विश्वासको मत लिनुपर्ने हुन्छ । एमालेले केन्द्रबाट एनयुपीलाई लोभ्याउने प्रयास गरेको तर अहिलेसम्म असफल भएको छ ।
नागरिक उन्मुक्ति पार्टीको समर्थन नहुँदा हालसम्म मन्त्रिपरिषद् विस्तार हुन सकेको छैन । माओवादी केन्द्रका खगराज भट्ट र नेकपा एमालेका सन्तोषकुमारी शर्मा थापालाई माघ २ गते मन्त्री बनाइएको थियो । ५३ सदस्यीय प्रदेशसभाको सुदूरपश्चिममा २९ जना, नेकपा माओवादी केन्द्रका ११, नेकपा एमालेका १०, नेकपाका ७ र राप्रपाका १ जना सदस्यको समर्थनमा रावललाई मुख्यमन्त्रीमा नियुक्त गरिएको हो ।
