काठमाडौं, माघ २४ । बंगलादेशमा जारी साफ यू–२० महिला च्याम्पियनसिप फुटबलमा नेपालले मंगलबार भारतलाई पराजित गर्दै उपाधिको दावेदारी कायमै राखेको छ ।
ढाकास्थित वीरश्रेष्ठ शहीद सिपाही मोस्तफा कमल रंगशालामा जारी लिग चरणको तेस्रो खेलमा नेपालले भारतलाई ३–१ गोल अन्तरले पराजित गर्दै ६ अंकसहित तालिकाको शीर्ष स्थानमा उक्लिएको हो ।
राउण्ड रोबिन लिगको फाइनल खेलमा भुटान र बंगलादेश भिड्दैछन् । बंगलादेश ४ अंकसहित दोस्रो स्थानमा छ । भुटान दुई खेलमा अंकविहीन भएपछि उपाधिको दौडबाट बाहिरिएको छ ।
प्रतियोगितामा नेपालसँगै आयोजक बंगलादेश, भारत र भुटानको सहभागिता रहेको छ । राउण्ड रोबिन लिगका शीर्ष दुई टोलीले उपाधिका लागि प्रतिस्पर्धा गर्नेछन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
