काठमाडौं, कार्तिक ६ । घरेलु टोली नेपालले साफ महिला च्याम्पियनसिप फुटबलमा सानदार जित हासिल गरेको छ । दशरथ रंगशालामा भएको खेलमा नेपालले माल्दिभ्समाथि ११-० को फराकिलो जित दर्ता गरेको हो ।
नेपालको जितमा रेखा पौडेल एक्लैले ५ गोल गरिन् । यस्तै, प्रिती राईले ह्याट्रिक पूरा गर्दा सविता राना मगर, अमिशा कार्की र अनिता केसीले १/१ गोल गरे ।
पहिलो खेलमा भुटानसँग बराबरीमा रोकिएको नेपालको अब २ खेलमा ४ अंक भएको छ । भुटानको समान ४ अंक भएपनि गोल अन्तरमा नेपाल शीर्ष स्थानमा उक्लिएको छ । श्रीलंकाको ३ अंक हुँदा माल्दिभ्सले खाता खोलेको छैन । अब समूह चरणको अन्तिम खेलमा नेपाल र श्रीलंका खेल्दैछ ।
Published Date: 22 October 2024
