काठमाडौं,असोज ६ । क्रिकेटर सन्दीप लामिछानेलाई बलात्कारको आरोपबाट सफाई दिने उच्च अदालत पाटनको फैसलाविरुद्ध महान्यायाधिवक्ता कार्यालयले सर्वोच्च अदालतमा जाने निर्णय गरेको छ ।
उक्त मुद्दाको फैसलाको पूर्णपाठ आएसँगै उच्च सरकारी वकिलको कार्यालय पाटनले फैसलाविरुद्ध पुनरावेदन गर्नुपर्ने राय दिएको थियो । त्यही फाइलको अध्ययन गरेपछि महान्यायाधीवक्ता कार्यालयले क्रिकेटर लामिछाने विरुद्धकको मुद्दाको पुनरावेदन गर्ने निर्णय गरेको हो ।
महान्यायाधीवक्ता कार्यालयको यो निर्णय संगै हाल क्यानडामा क्रिकेट खेलिरहेका सन्दिप लामिछानेले आफूविरुद्धको मुद्दामा सर्वोच्च अदालतमा सामना गर्नु पर्ने भएको छ ।
योसंगै अब सर्वोच्च अदालतले पुनरावेदन निवेदन दर्ता गराएपछि सन्दिपलाई झिकाउनु भन्दै म्याद जारी गर्छ । त्यसपछि सन्दिप लामिछानेले म्याद बुझेपछि मुद्दाको प्रक्रिया प्रारम्भ हुने बताइन्छ ।
