भक्तपुर, असोज ५ । भक्तपुर सूर्यविनायकको पाण्डुबजार हाईटस्थित वि किड्स स्कुलले भक्तपुरमा मनाईने ईन्द्रजात्रा (पुलुकिसी जात्रा)को नमुनाको रूप मनाएको छ ।
‘एक्सप्लोर, लर्न र ग्रो’ को सिद्धान्तलाई अवलम्बन गर्दै बालबालिकाको सर्वाङ्गीण विकासका लागि स्थापित सो विद्यालयको पूर्व प्राथमिक तहमा अध्ययनरत विद्यार्थीहरुलाई विभिन्न विषयमा एक्सप्लोर गराउने अवधारणा अनुरूप सामाजिक तथा सास्कृतिक थिम अन्तर्गत पर्ने विभिन्न चाडपर्वहरू मध्ये ईन्द्रजात्रा (नेपाल भाषमा येन्या पुन्ही)को जानकारी दिन सो कार्यक्रम गरेको हो ।
कार्यक्रममा विद्यार्थीहरूले आफ्ना अभिभावक र जुनियर भाईबहिनीहरूको सामु यन्या पुन्हीको दौरानमा आठै दिनमा हुने विभिन्न गतिविधि, पुलुकिसी जात्राको कथनका वारेमा जानकारी दिदै जात्राको रमाईलो प्रस्तुति गरेका थिए।
उक्त कार्यक्रममा इन्द्रजात्राको पहिलो दिन दोबाटो चौबाटोमा खडा गरिने यमद्यः इन्द्रको छोरा जयन्तको प्रतिक यमद्य, यरावती हाति (पुलुकिसी), यो जात्राको क्रममा गाईने गित (वल वल पुलुकिसी) र लाखे नाँच प्रस्तुत गरिएको थियो । अन्तमा उपस्थित सम्पूर्ण अभिभावहरू र विद्यार्थी नानीहरुले समयबजी खाँदै कार्यक्रम समापन भएको थियो ।
