काठमाडौं, भदौ २० । काठमाडौं सुन्दरीजलमा एक युवतीको शव भेटिएको छ । गोकर्णेश्वर नगरपालिका–१ को सुन्दरीजलको बोक्सेदहमा बिहीबार बिहान ९ बजे ढुंगामा च्यापिएको अवस्थामा एक महिलाको शव फेला परेको हो । प्रहरी वृत्त बौद्धका इन्स्पेक्टर चन्द्र अधिकारीका अनुसार बिहान ९ बजे महिलाको शव भेटिएको जानकारी आएपछि प्रहरीको टोली घटनास्थलमा पुगेको थियो ।
‘शव भेटिएको खबर पाउना साथ हाम्रो टोली घटनास्थलमा पुगेको छ, थप अनुसन्धान भइरहेको छ,’ उनले भने ।अहिलेसम्म उनको परिचय नखुलेको पनि प्रहरीले जनाएको छ । प्रहरीले काठमाडौं र आसपासका जिल्ला प्रहरी कार्यालयहरूसँग पनि समन्वय गरी मृतकको पहिचान खुलाउने प्रयास गरिररहेको छ ।
Published Date: 05 September 2024
