उदयपुरमा आमा र छोराको हत्या

काठमाडौँ, भदौ २० । उदयपुरमा आमा र छोराको हत्या भएको छ । कटारी नगरपालिका-१० सोरुङ छविसेकाे एक किराना पसलमा निर्मला थापा र उनका छोरा आरुस थापाको शव भेटिएको हो। बिहीबार बिहान वडा कार्यालय नजिकै रहेकाे थापाकै किराना पसलमा उनीहरूकाे शव फेला परेकाे हाे ।

४० वर्षकी निर्मला भुइँमा घोप्टो परेको र उनका ६ वर्षका छाेरा आरुसकाे खाटमा रक्ताम्य अवस्थामा शव फेला परेको हाे । वडाध्यक्ष क्षेत्रबहादुर खड्काका अनुसार छोराको शवमा हतियार प्रहार गरेको चोटहरू देखिएको छ ।

इलाका प्रहरी कार्यालय कटारीले यस घटनाबारे जानकारी पाउनासाथ आज बिहानै घटनास्थलतर्फ प्रहरी चौकी बतासेबाट टाेली पठाएकाे थियाे । प्रहरीले अनुसन्धान प्रकृया अघि बढाइसकेकाे छ ।