जहाज दुर्घटनासँगै प्राधिकरण, मानवीय समवेदना र मिडिया समेत घाइते भएको छ: सांसद शाह

काठमाडौँ, साउन १३ । प्रतिनिधि सभाको आजको बैठकमा रास्वपाका सांसद असीम शाहले जहाज दुर्घटनासँगै प्राधिकरण, मानवीय समवेदना र मिडिया समेत घाइते भएका टिप्पणी गरे ।

आइतबारको प्रतिनिधि सभा बैठकमा शून्य समयमा बोल्दै शाहले सरकारको ध्यानाकर्षण गराएका हुन्। उनले यस अगाडिका कयौँ दुर्घटनाहरूबाट सरकारले पाठ नसिकेको भन्दै सरकारको सोच पनि घाइते भएको बताए।