काठमाडौं, माघ १९ । प्रधानमन्त्री पुष्पकमल दाहालले सूचनाको हकले समाजमा सुशासनको ग्यारेन्टी गर्ने बताए।
सिंहदरबारस्थित बुधबार प्रधानमन्त्री तथा मन्त्रिपरिषद्को कार्यालयमा राष्ट्रिय सूचना आयोगको वार्षिक प्रतिवेदनलाई स्वीकार गर्दै उनले सूचनाको हकको प्रवद्र्धनले विकासको नयाँ वातावरण सिर्जना गर्ने बताए ।
“जति धेरै सूचना प्रवाह र सूचनाको हकको ग्यारेन्टी गर्न सकिन्छ, त्यति नै सुशासन कायम हुनेछ। यसले विकासको नयाँ वातावरण सिर्जना गर्छ,’ उनले भने ।
उनले सूचनाको हकको प्रवद्र्धनका लागि आवश्यक सहयोग गर्ने सरकारको प्रतिबद्धता व्यक्त गरे ।
Published Date: 02 February 2023
