काठमाडौं, असार १३ । टी२० विश्वकपको पहिलो सेमीफाइनलमा दक्षिण अफ्रीकाले अफगानिस्तानलाई ५६ रनमै समेटेको छ ।
टस जितेर पहिला ब्याटिङ गरेको अफगानिस्तान ११.५ ओभरमा सबै विकेट गुमाएर ५६ रनमात्र जोड्न सफल भयो । दक्षिण अफ्रीकाका मार्को जानसेन तथा तबरेज शम्सीले समान तीन विकेट लिएपछि अफगानिस्तानका खेलाडीहरुले खुलेर खेल्नै सकेनन् । कगिसो रबाडा तथा एनिरक नोत्र्जेले पनि समान दुई विकेट लिए ।
अफगानिस्तानका अजमतुल्लाह ओमरजाईले सर्वाधिक १० रन बनाए । उनीबाहेक अन्य कुनै पनि खेलाडीले दोहोरो अंकले रन बनाउन सकेनन् । अफगानिस्तानका ओपनर रहमनुल्लाह गुरबाज तथा नूर अहमदले खाता नै खोल्न सकेनन् भने अन्य ब्याट्सम्यानले पनि गतिलो योगदान दिन सकेनन् ।
दक्षिण अफ्रीकाले २० ओभरमा ५७ रन बनाउने बित्तिकै इतिहास रच्ने छ । अफ्रीकाको टीम आजको खेलमा विजयी भएमा ईतिहासमै पहिलो पटक कुनै पनि आईसीसी इभेन्टको फाइनलमा पुग्ने छ ।
Published Date: 27 June 2024
