काठमाडौँ, असार १० । सोमबार नेप्से परिसूचक ३.२१ अंक बढेर २०६६.१६ विन्दुमा पुगेको छ। त्यसैगरी, यस दिन सेन्सेटिभ इण्डेक्स ०.३९ अंक बढेको छ भने फ्लोट इण्डेक्स ०.२४ अंक र सेन्सेटिभ फ्लोट इण्डेक्स ०.२५ अंक बढेको छ।
नेप्सेसँगै आज कारोबार रकम पनि बढेको छ। अघिल्लो कारोबार दिन ४ अर्ब ३७ करोडको शेयर खरिदबिक्री भएको बजारमा यस दिन ३२२ स्टकको ६६ हजार ५१९ पटकको कारोबारमा ५ अर्ब ७ करोड ७२ लाख रुपैयाँ बराबरको १ करोड ७ लाख ७ हजार कित्ता शेयर खरिदबिक्री भएको छ।
कारोबार रकमका आधारमा आज मेरो माइक्रोफाइनान्स वित्तीय संस्था शीर्ष स्थानमा रहेको छ। सो माइक्रोफाइनान्सको २४ करोड ३२ लाख रुपैयाँ बराबरको शेयर खरिदबिक्री भएको छ। त्यस्तै, आज एनआरएन इन्फ्रास्ट्रक्चर एण्ड डेभलपमेन्टको करिब साढे १८ करोडको शेयर कारोबार भएको छ भने पोखरा फाइनान्सको कारोबार रकम १६ करोड नाघेको छ।
