भक्तपुर, असार १० । भक्तपुर नगरपालिका वडा नं. ५ का वडाध्यक्ष योगेन्द्रमान बिजुक्छेंको प्रमुख आतिथ्यतामा आज आदर्श आजाद मा.वि.का अभिभावक शिक्षक विद्यार्थीहरुमाझ नसर्ने रोग सम्बन्धि अन्तरक्रिया कार्यक्रम सम्पन्न भयो ।
सो कार्यक्रममा प्रमुख अतिथि बिजुक्छेंले सर्ने रोगहरुभन्दा नसर्ने रोग प्राणघातक भएको जानकारी गराउदै रोग लागेर उपचार गर्नुभन्दा रोग नै लाग्न नदिने उपाय सुझाउनुपर्ने कुरामा जोड दिए ।
विद्यालयका प्र.अ.श्रीकृष्ण किसीको सभापतित्वमा सम्पन्न सो कार्यक्रममा विद्यालय नर्स एवं प्रशिक्षक निना होराले नसर्ने रोगहरु सम्बन्धि जानकारीसहितको प्रस्तुतिकरण गरेका थिए ।
कार्यक्रममा सहायक प्र.अ. चक्रबहादुर चाकतु र शिक्षक राकेश सुकुपायोले समेत आ आफ्नो धारणा राखे ।
उक्त कार्यक्रमको अन्तमा उपस्थित शिक्षक,विद्यार्थी,अभिभावक, वि.व्य.स.पदाधिकारीहरु अतिथिगनहरुले नसर्ने रोग सम्बन्धि जनचेतना अभिवृद्धि गर्न हस्ताक्षर गरेर सामूहिक प्रतिबद्धता समेत गरे ।
