काठमाडौँ, जेठ २८ । सोमबार नेप्से परिसूचक ८.९० अंकले बढेर २०८२.०९ विन्दुमा पुगेको छ। यता कारोबार रकम भने अघिल्लो दिनको तुलनामा अझ बढेको छ। सोमबार ५ अर्ब ४९ करोड ६ लाख ९ हजार ७८२ रुपैयाँ बराबरको १ करोड १६ लाख ३४ हजार ६१८ कित्ता शेयर खरिदबिक्री भएको छ।
सोमबार कारोबारमा आएका १३ उपसमूहमा ७ उपसमूहको सूचक सकारात्मक छ भने ६ उपसमूहको सूचक नकारात्मक छ जुनमा म्युचुअल फण्ड उपसमूहको सूचक ३ प्रतिशतभन्दा धेरै घटेको छ।
आज त्रिशुली जलविद्युत र कुथली बुखरी हाइड्रोपावर कम्पनीको शेयरमूल्य सबैभन्दा धेरै १० प्रतिशतले बढेको छ भने पिपुल्स पावरको पनि ९.९९ प्रतिशतले बढेको छ।
यता जानकी फाइनान्सको शेयरमूल्य सबैभन्दा धेरै ८.६७ प्रतिशतले घटेको छ भने बाराही हाइड्रोपावरको ५.३९ प्रतिशत र भगवती हाइड्रोपावरको ४.८३ प्रतिशतले घटेको छ।
सोमबार एनआरएन इन्फ्रास्टक्चर एण्ड डेभलपमेन्ट कम्पनीको सबैभन्दा धेरै ४१ करोड ८७ लाख रुपैयाँको शेय कारोबार भएको छ भने माउन्टेन इनर्जीको २४ करोड ४७ लाख र जानकी फाइनान्सको १६ करोड ७७ लाख रुपैयाँको शेयर कारोबार भएको छ
